الهجوم علي عمرودياب شمل عده نقط
هكتب النقط اللي لما بييجي واحد يهاجم عمرو تلاقيه بيقولهالك وازاي نرد عليها بالعقل مش بالكلام وبس
بالدليل يعني
1 . عمرو دياب اغانيه مش من النوع اللي بيعيش
2 عمرو دياب قديمه احسن من جديده
3 عمرو دياب بينجح بالدعايه
4. عمرو دياب حرامي اغاني وبوسترات
5 .عمرو دياب مغرور
6 . عمرودياب معاه فلوس كتير ومبيخدمش حد
7 . عمرو دياب بيحارب الجيل الجديد من الفنانين
استحملوني بقي التوبيك هيطول شويه لكن ارجو القرايه علشان نرد علي اي حد بيهاجم عمرو ويوجهله تهم
1,2
نقطتين في نقطه وحده
هديكم موقف حصل معايا يوضحلكم ان منتقدي عمرو مش لاقيين حاجه يقولولها فبيالفوا اي حجه ويناقضوا نفسهم في الاخر
ازاي؟
مروه واحد صاحبي مبيحبش عمرو لقيته جاي يقولي
عارف اوحش حاجه في عمرو ايه
قلتله ايه ؟
قالي ان اغانيه مش من النوع اللي بيعيش
قلتله ليه
قالي كده هو عمرو معروف انه بتاع فرقعه واغانيه مش بتعيش
دخلته في كلام تاني وروحت سالته مره واحده سؤال انا اقصده
قلتله ايه رايك في البوم عمرو الجديد؟
قالي حلو بس مش زي اغاني عمرو القديمه فين عمرو يا عم بتاع زمان وقعد يحور كده بس انا فرحت بكلامه لانه بدا يناقض نفسه
قالي فين راجعين وشوقنا ويا عمرنا ومتخافيش وحبيبي وتملي وقمرين وميال
قالي عندك مثلا يا عمرنا ده حكايه مفيهوش غلطه
كفايه اغنيه مرتحنش ولا اغنيه ضحكه عيون حبيبي ولا اغنيه ...... ورصلي الالبوم كله
قلتله يعني انت بتسمع الاغاني دي
قالي كل يوم
الاغاني دي ميتزهقش منها
من شويه كان بيقولي عمرو اغانيه مش بتعيش
ودلوقتي بيقولي الاغاني القديمه ميتزهقش منها
قمه التنتاقض بصراحه وعلي راي المثل
ملقوش في الورد عيب قالوا احمر الخدين
النقطه رقم 3
عمرو بينجح بالدعايه
ليه بس
يا ابني هو كده معروف ان عمرو ناجح بالدعايه
عمرو عارف ان فيه ناس بتقول عليه كده
فكان كعاده عمرو رده عملي مش كلام وبس
ازاي؟.
البوم اسمه الليلادي
بوستر والبوم
مفيش كليب
مفيش حوارات تليفزيوينه او حتي راديو
مفيش دعايه من الشركه العقيمه روتانا
مفيش اعلاناات تليفزيوينه
مفيش كليب غير بعد الالبوم بشهر
مفيش حفلات غير بعد الالبوم بشهر
هجوم اعلامي وصحافي ومرئي ومسموع غير طبيعي علي الالبوم من ناس ليها تقلها في الوسط الاعلامي وتشويه صوره عمرو والبومه
طيب لو عمرو بينجح بالدعايه مفروض الالبوم كده يسقط
لكن اللي حصل هو
مبيعات وصلت ل2 مليون نسخه في اسبوعين فقط لا غير
متمشيش متر في الشارع غير لازم تسمع صوت عمرو
الكل في الشارع والانترنت والمنتديات بيتكلم عن الالبوم
حفله بعد الالبوم بشهر ب100 جنيه يحضرها 50 الف واحد وتكتب عنها كل مجلات الدنيا من يومها لغايه يومنا هذا
اذن اي حد يقولك عمرو بينجح بالدعايه تديله في عينه
ده غير ان مفيش حد بينجح بالدعايه 24 سنه ورا بعض
مش سالتو نفسكم ليهاالمطربين بيخافو ينزلو البوماتهم مع البوم عمرو دياب لانهم عرفين انه هيتاكل هيتاكل ومش هيكون ليه وجود من اساسه ولاحد يشتريه
ده غير ان لو النجاح فعلا بالدعايه يبقي كان اولي بمطرب من جيل عمرو نزل البومه يوم راس السنه اللي فات
الالبوم نزل بكليب ودعايه مكثفه جدا جدا جدا وكليب تاني بعد الالبوم باسبوع واحد وظهور اعلامي للمطرب في برامج زي القاهره اليوم ويا مسهرني وميكسولوجي علي الاف ام و90 دقيقه علي المحور وفي نفس الاسبوع حفله ببلاش في نادي الشمس
كل دي دعايه
4
اكتر تهمه موجهه لعمرو
سببها ان مفيش حد فاهم يعني ايه مزيكا
ومحدش عارف ايه الفرق بين السرقه والقوالب الموسيقيه الموحده ومحدش عارف اصلا يفرق بين اللحن والتوزيع
ده غير حاله التربص لعمرو علي اي ربع حته مزيكا هنا شبه حته هنا
لدرجه اني دخلت احدي مواقع الانترنت
فلقيت واحد منزل 20 اغنيه علي اساس ان عمرو سارقهم
فمثلا لقيت ان تملي معاك مسروقه من مارك انتوني ومش عارف ايه السبب
وكمان لقيت ان اكتر واحد بيحبك مسروقه من بايلاموس فقعدت اسمع باييلاموس 150 مره ورا بعض ومش لاقي شبه
ولقيت ان عمرو مثلا لو عامل في اول الاغنيه جيتار وفيه اغنيه اجنبيه بدات بجيتار يبقي عمرو سرق الاغنيه
المشكله ان ال20 اغنيه مفيهومش ولا واحده تعتبر لو اتكلمنا قانونيا حتي مسروقه
ولا واحده ولكن اتقال ان عمرو سرق العدد ده كله
علي النقيض تماما كل يوم ننزل اغنيه مسروقه من عمرو ولكن الكل بيعمل بالعربي كده عبيط
قال يعني مش واخد باله
ده غير حكايه البوسترات دي كمان
وشوفنا ضجه رهيبه علي حكايه بوستر الليلادي وكان عمرو اذنب ذنب رهيب
فالصحفيين الكبار والاعلاميين الكبار بيناقشوا قضيه رهيبه وهي ان عمرو سرق البوستر
يا حلاوه يا ولاد
همهم انه يهزو مكانة عمرو وخلاص لانه بينجح كل يوم عن التانى ومحدش قادر يقف قصاده ولاينافسه
في حين انك لما تنزل صوره مطرب اجنبي بيقلد عمرو تلاقيهم بيقولولك
موضه عالميه
دورنا احنا بقي اننا نفهم الناس دي يعني ايه سرقه ويعني ايه لحن ويعني ايه توزيع ونوريهم قد ايه عمرو بيتسرق منه اغاني وقد ايه بيتسرق منه استايلات لبس واللوك بتاعه ومحدش بيتكلم
5
عمرو مغرور
هل البعد عن الاعلام غرور ؟
اه في بلدنا هنا غرور
طيب هل لما اقول ان منير اعظم قيمه فنيه في الاغنيه الحديثه ابقي غرور؟
اه يا عم مغرور
طيب ولما اصف فؤاد بانه مدرسه من الشجن اموسيقي برضه ابقي مغرور ؟
اه مغرور
طيب لمن يصف عمرو بالغرور ملقتش غير الفيديو ده يقدر يرد بالدليل مش بالكلام
https://www.youtube.com/watch?v=vr9wTVz0LXIhttps://www.youtube.com/watch?v=dKgo_Qmq7wchttp://www.2shared.com/file/2716290/6b3f07fd/____.html6
فلوسه كتير ومبيخدمش حد ولا بيساعد اهل بلده الغلابه
عندنا في مصر بنموت في
اللي يطلع يتصور مع الاطفال المرضي ويعيط قدام الكاميرا وهو بيبوسهم ويقول يا جماعه انا قلبي طيب اوي ورهيف والحاجات دي بتتعبني نفسيا
احنا نحب ده ونقول عليه طيب وكريم وراجل فل
عمرو مش بتاع كده للاسف
عمرو بتاع العمل مش الكلام
طيب ازاي
كل دول مبيعملوش حاجه غير انهم يناشدوا الناس انهم يساعدوا
انما تلاقي واحد فيهم طلع 10 جنيه من جيبه يقولك اصلي مش معايا فكه
مش هتكلم كتير وهسيب الوصل ده يتكلم
http://media.farfesh.com/b07410122817.jpgلا تعليق
7
عمرو بيحارب جيل الشباب
اه فعلا
والدليل
http://img154.imageshack.us/img154/4166/mimo1gs1.j pg
يا عم الكلام سهل وكتير
فين الفعل
عمرو بيحارب من تحت لتحت
ازاي؟
انت مش عارف اصلك غلبان
ده عمرو ده فظيه مريع وقاتل مجرم كبير
طيب تعالوا كده نبص عمرو بيحارب الشباب ازاي
لما تجيب انت واحد من الشارع وانت صاحب فرقه كوره
وتقوله تعالي يا ابني الاعبك معايا في فرقتي
وانت صاحب اكبر فرقه في مصر
وييجي يلعب معاك
وييجي الفرق المنافسه يقولوله تعالي العب معانا شويه في الدوره الرمضاانيه
لو انت فعلا بتحارب الفرق دي هتقول للولد ده لا متروحش تلعب معاهم وهيسمع كلامك لانك صاحب الفضل بعد ربنا في انك بقيت مطلوب كده
فتخيل بقي لما تقوله يا عمرو روح وابدع معاهم كمان تبقي انت قلبك عامل ازاي؟
اهو ده بالظبط اللي حاصل
عمرو مكتشف
عمرو مصطفي
شريف تاج
محمد يحيي
محمد رحيم
امير طعيمه
وغيرهمم من الاسماء
مين بقي الفناينين يا عم اللي عمرو بيحاربهم ؟
تامر حسني
حبيبي
تامر طلع قال ان عمرو بيحاربينبي وعمرو دخلني السجن وعمرو غيران مني
فهل المتوقع من عمرو انه يسيب اللاعيبه اللي اكتشفها يلعبوا مع تامر
لا
ولكن هنلاقي في كل البومات تامر اسم
محمد يحيي ومحمد رحيم وبكثافه وبافضل اغاني البوماته
ومش معقول عمرو يعمل عقله بعقل تامر حسنى ابن امبارح ويغير منه مش معقوله ابدا
الحدق يفهم
لو طايل اكتب عنه فى كل منتدى هعملها
هوده عمرو دياب فعلا
حبيب الملايين وسوبر ستار الشرق الاوسط باكمله
--------------------