شوية نكت ع الماشي

السلام عليكم
أنا جايبلكم شوية نكت ممكن يكون في اعضاء سمعوها قبل كدة بس يمكن في أعضاء لسة ما سمعوهاش
**************
تلاتة صقور أغبية اتراهنوا على اللى يصطاد أكبر حاجة،
الأول راح وجه وفى منقاره حبة دم قالهم:- شايفين الجبل الى هناك ده
قالوا له:- أيوه
قال:- قتلت وراه غزال
والتانى راح وجه وفى منقاره حبة دم كتير قالهم :- شايفين الشجرة الى هناك دى قالوا له:- أه
قالهم :- قتلت وراها نمر
والتالت راح وجه وكله دم فى دم وقالهم :- شايفين العمود الى هناك ده
قالوا له :- اه
قالهم :- أنا ما شفتوش
******************
طلع مجموعة صيادين يصطادوا وكل ما يصطادوا حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالوا لصاحبه:- خده الافراح اللي بيحصل فيها ضرب نار كتير عشان يتعود على الرصاص
وبعد ما اخده لمدة 6 شهور رجع يصطاد تاني
ومع اول طلقة رصاص الكلب قعد يزغرط
********************
كان في مره قردين واحد حظه حلو والتاني حظه وحش
ابو حظ حلو قال "تعالي نسرقة موز من المزرعة"
فطلع القرد اللي حظة حلو فوق الشجره وابو حظ وحش تحت
صاحب المزرع وصل فجأه ومسك اللي تحت وضربه
وكل مره تتكرر الحكاية ده يتمسك ابو حظ وحش ويترن علقة تمام
فقال ابو حظ وحش:- "تعالي نسرق وانا ابقي فوق وانت تبقي تحت"
وصل اولاد صاحب المزرعة ومسكوا اللي تحت
أبوهم قاللهم "لأ ده اضرب كفاية امسكوا اللي فوق"
****************
واحد دخل سوبر ماركت
سأل كيلو اللحمة بكام قال له الجزار 30جنيه ‏قعد يدعى:
"الله يخرب بيتك يا ‏محسن ياللى مغلي العيشة علينا"
سأل كيلو السمك بكام قال له بتاع السمك 15 ‏جنيه قعد يدعى:
"الله يخرب بيتك يا محسن ياللى مغلي العيشة علينا"
سأل بكام كيلو الفراخ قال له ‏بتاع الفراخ 10 جنيه قعد يدعى:
"الله يخرب بيتك يا محسن ياللى مغلي العيشة علينا"
واحد مخبر سمعه قبض عليه وراح واخده على ‏القسم ودخل على الظابط قال له: تمام يا فندم
الظابط ‏سأله: ماسك الراجل ده ليه ؟؟
قال له: الراجل ده مش عارف اسم ‏الريس يا فندم
******************
سبعه بلدياتنا عملوا عصابه.... سموها الشجعان الثلاثه
*****************
واحد بيشتغل سواق تاكس ....نايم ،مراتة دخلت علية بالليل وقفلت الباب بشويش..صحى قال لها افتحي الباب واقفلية تانى !!!!
*****************
واحد مسطول بيسأل مراته "هو لما بنفتح باب الحمام النور بينور"؟
قالت له لا!
قالها "يبقى أنا كنت فاتح الثلاجة"
****************
سكران ماسك الفرخة بتاعته ..قاعد يضرب فيها يضرب فيها ويقولها:
كل يوم بيض بيض مافيش يوم جبنه
******************
مرة واحد صعيدي وقع فى حفرة نزلوله حبل .....طلع مخنوق
*****************
وحدة بتقول لحبيبها أهلى مسافرين والبيت فاضى قالها أقرئى قرآن ومتخافيش
************
غبي داخل سينما لقى مكتوب ممنوع الدخول لأقل من 18 راح جاب 17 واحد
**************
حمار بيقول لخطيبتة حنتجوز امتا ياحمارة ؟
قالتلة لما تحسن ملافظك يا حيوان
************
اتنين مساطيل طالعين فى الاسانسير فالمسطول الاول بيقول للمسطول التانى:
هوا مال الاسانسير طالع بالراحة كدة لية
قاله: تلقية طالع على السلم
**************
دكتورعيون قاعد مع خطيبته على شط البحر ومعاه ورده قالها شايفه الورده يا حبيبتي؟
... قالت له ايوه... رجع ايده لورا شويه... وقالها طب كده شايفاها؟
*****************
غبي راح يترشح لرئاسة الجمهورية
دخل على ظابط بوزارة الداخلية. لقى الظابط بيزعقله وبيقوله :أنت مجنون ؟!!!!
فقاله :هو الشرط دة أساسي للرئاسة
*****************
واحد زملكاوى ليلة زفافه فى غرفة النوم
عروسته بتقوله : أنا عايزة أعترفلك بسر
قالها قولي
قالتله : أنت مش أول راجل في خياتي
قال : هو يا رب المركز التاني دة ورايا ورايا
****************
اهلاوى اتجوز زملكاوية ستتها .........
*****************
أرجو النكت تكون عجبتكوا
Very Happy

هههههههههههههههه
حلوووووووووووة وشكرا على المجهود

هههههههههههههههه
هههههههههههههههههههههههه تسلم يا مان بجد حلوة ودمها خفيف

Admin عدد الرسائل : 65 تاريخ التسجيل : 24/02/2008

ههههههههههههههههه
ههههههههه

جميلة يا بلبل واللهى تسلم ايدك

هههههههههههههههه

تسلم اييدك يا باشا